Պորտֆոլիո

Նախագծի նկարագրություն

Սեբաստիայի մասնաճյուղի վերանորոգումը մեր ընթացիկ նախագծերից է։ Նախագծի շրջանակներում արդեն իսկ իրականացվել են լայնածավալ աշխատանքներ՝ ներառյալ գոյություն ունեցող կառույցների ապամոնտաժումը, նոր միջնորմների կառուցումը՝ ուղղված տարածքի ֆունկցիոնալության ու հարմարավետության բարձրացմանը։

Նախագծի շրջանակում իրականացվել է վերելակի հորանի կառուցում տեխնիկական անվտանգության ստանդարտներին և նախագծի պահանջներին համապատասխան։ Շուտով կտեղադրվի նաև վերելակը։

Տեղադրվել են լուսավորության, օդափոխության, ջեռուցման և ջրամատակարարման համակարգերը, որոնք մասնաճյուղում կապահովեն հարմարավետ աշխատանքային միջավայր։

Տեղադրվել են ներքին դռներն ու պատուհանները, իրականացվում են ներքին հարդարման աշխատանքներ։ Աշխատանքները գտնվում են վերջին փուլում, և շուտով այս նախագիծը ևս կհանձնենք պատվիրատուին։